अमृता आणि मी मुंबईतल्या एका बीपीओ मध्ये काम करत होतो तेव्हापासूनच आमचे प्रेमसंबंध जुळले. अमृता मराठवाड्यातील एक हुशार आणि सुंदर मुलगी होती आणि मी विदर्भातील एक हँडसम तरुण आहे. मुंबईत आम्ही दोघेही त्या कंपनीमध्ये तीन वर्षापासून काम करत होतो आणि मग काही महिन्यातच आम्ही एकमेकांच्या प्रेमात पडलो. आम्ही सतत एकमेकांच्या सानिध्यात असायचो. आमच्या जॉबच्या शिफ्ट्स पण एकत्रच असायच्या. विकेंडला तर आम्ही बाहेर फिरायला जात असू. आमचं प्रेम दिवसेंदिवस बहरत चाललं होतं. आम्हा दोघांनाही एकमेकांशी लग्न करायचं होतं पण तिच्या घरच्यांनी तिच्यासाठी आधीच एक मुलगा पसंत करून ठेवल्याने आमच्या लग्नात आडकाठी येत होती. अमृता तिच्या घरच्यांच्या विरोधात जाऊ शकत नव्हती. आणि